A Proa acolle 15 de xuño un obradoiro sobre presenza dixital para emprendedores
xoves, 9 de xuño do 2022
O
espazo colaborativo A Proa, centro de coworking emprazado en
Milladoiro (Ames) e integrado na Rede de Espazos de Coworking da
Deputación da Coruña, organiza o vindeiro 15 de xuño, ás 18.00
horas, unha nova actividade denominada Presenza
dixital para emprendedores: web, redes e ads. As coworkers de
A Proa, Isabel Viñas del Río (deseñadora web en Impulsa Dixital),
e Luján Kubrusli (deseñadora multimedia en Kubrusli), van a
presentar o seu primeiro obradoiro no espazo. A temática é a
presenza dixital para emprendedores. Os/as coworkers usuarios/as do
Espazo tiveron a oportunidade de formular preguntas ás relatoras que
serán resoltas neste taller.
A
actividade é de balde e conta con prazas limitadas. As
inscricións poden realizarse premendo nunha ligazón específica
habilitada. Para máis información pódese
visitar a páxina web de A Proa.
A
concelleira de Promoción Económica, Ana Belén Paz, explica que
“dende o pasado mes de marzo o centro colaborativo A Proa está
desenvolvendo un programa específico de actividades. Dita
programación continúa a vindeira semana cun taller impartido polas
coworkers Isabel Viñas del Río e Luján Kubrusli sobre a
presenza dixital para emprendedores”.