A Rede de Coworking da Deputación da Coruña fomenta o emprendemento xuvenil na Pobra, Boiro e Oleiros
xoves, 30 de novembro do 2023
- Un dos espazos de traballo do LabBarbanza, emprazado en Boiro
Os
espazos de traballo colaborativo e innovador (coworking)
da Deputación da Coruña na Pobra e e Boiro (LAB Barbanza) realizan
este venres 1 de decembro unha actividade conxunta sobre
emprendemento xuvenil. Grazas a esta actuación o alumnado do 1º
curso do Ciclo Superior de Administración e Finanzas do IES
Espiñeira de Boiro terá a oportunidade de aprender a emprender no
marco do programa educativo que desenvolve o Coworking da Pobra.
Ademais,
ao abeiro desta actividade, o alumnado realizará unha visita ao LAB
Barbanza de Boiro, onde a cooperativa Kracia recibirá ao grupo de
estudantes, que ademais de visitar as instalacións, terá a
oportunidade de coñecer aos promotores desta cooperativa de
mercadotecnia dixital.
A
continuación, o grupo desprazarase ao Coworking da Pobra, onde dúas
ex-usuarias do centro, promotoras dos proxectos Exeria e Treboada, e
a xestora do centro, da empresa Promove, organizan a xornada Cafés
feministas para emprender. Segundo informou a Deputación, a
organización desta xornada é “o resultado das sinerxías entre
tres mulleres emprendedoras, en diferentes etapas, que se unen para
axudar a outras persoas que, coma elas, buscan apoio para gañar
confianza na aventura de emprender”. Arredor dun café, os grupos
de alumnos e alumnas participantes terán a oportunidade de analizar
o emprego e o emprendemento no Barbanza para reflexionar arredor
dalgunhas cuestións de xénero que inflúen á hora de emprender.
Estudantes
de Arquitectura visitaron Arenaza
Por
outra banda, o Coworking do Pazo de Arenaza (Oleiros)
recibiu este mércores 29 a visita dos alumnos e alumnas da Escola
Técnica Superior de Arquitectura da Universidade da Coruña.
Durante
a súa estadía coñeceron de primeira man o funcionamento do centro,
tiveron ocasión de resolver as súas dúbidas relacionadas cos
espazos de traballo colaborativo e descubriron as posibilidades que
lles brinda o Pazo de Arenaza de cara ao seu futuro.
Podemos
atopar máis información sobre todos
os centros que integran a Rede Provincial de Coworking na súa páxina
web.