A USC acolle un obradoiro fotográfico sobre negativos dixitais

Captura dun traballo fotográfico desenvolvido con Camera RAW

A Universidade de Santiago vai acoller unha actividade formativa destinada a favorecer o coñecemento especial nas novas tecnoloxías ao servizo da imaxe. A actividade vén da man da Aula de Fotografía da USC, dentro do seu programa de accións divulgativas sobre os novos camiños que adopta esta disciplina artística, e está prevista para o día 30 de xaneiro na Facultade de Xeografía e Historia. O obradoiro, centrado nas técnicas de negativos dixitais, abordará cuestións como o procesado de arquivos en formato RAW e as vantaxes e usos de programas como Lightroom e Camera Raw.
A actividade, a cargo de Fuco Reyes, ten unha duración de oito horas a repartir entre os días 30 de xaneiro e 1, 6 e 8 de febreiro, en horario de 19:15 a 21:15.
Calquera persoa interesada en coñecer técnicas básicas e avanzadas en negativos dixitais, sinala a USC, debe inscribirse na Área de Cultura emprazada na Reitoría. Para máis información poden chamar aos teléfonos 881811103 e 881811018.