A USC participa na creación dunha rede temática estatal de centos de investigación
martes, 15 de marzo do 2011
- Equipo de robótica do Grupo de Sistemas Intelixentes da USC
Arredor de vinte grupos de investigación do
eido estatal, entre os que se inclúe un equipo da Universidade de Santiago
(USC), veñen de pór en marcha a Rede Temática Española de Linked Data, un proxecto
encamiñado a facer máis doado o intercambio de coñecemento de valor,
especializado, entre investigadores que estean en España ou con persoal que
desenvolva o seu labor no estranxeiro. Asemade, o que se pretende con esta
iniciativa, na que colaboran 18 universidades, é facilitar que a investigación
española se vexa ben e claro alén das súas fronteiras.
Entre as liñas de actividade da iniciativa
figuran, para comezar, unha serie de xuntanzas periódicas de investigadores con
empresas e con administracións públicas, baixo a feitura de voCamps, encontros de participación e máis
almorzos de traballo.
A Rede Temática Española de Linked Data estará
coordinada por Óscar Corcho, do Grupo de EnxeñarÃa Ontolóxica da Facultade de Informática
da Universidade Politécnica de Madrid, e, entre outros moitos equipos de
traballo, integra ao Grupo de Sistemas Intelixentes da Universidade de Santiago
(USC).
Segundo se informa na Gaceta
Tecnolóxica, o proxecto benefÃciase do agrupamento de diferentes fontes de
datos achegadas pola rede mesma, entre as que se conta GeoLinked Data,
plataforma aberta do Grupo de EnxeñarÃa Ontolóxica da Politécnica de Madrid e
que se dirixe a achegarlle á comunidade internauta información xeoespacial da
contorna española. Linked Data, por certo, non é unha proposta que abrolle da
nada. De feito, en certa medida segue o ronsel de redes temáticas semellantes
como a la Open Knowledge Foundation
ou FAO italiana.