A Universidade de Vigo baralla a creación dun centro singular de investigación na ESE Informática
mércores, 28 de xullo do 2010
Ademais de confirmar a continuidade da
oficina de software libre coa que conta o Campus de Ourense na actualidade, o
reitor da Universidade de Vigo, Salustiano Mato, que se reuniu recentemente co
alcalde da cidade das Burgas, Francisco Rodríguez, para achegar
puntos de vista comúns e continuar avanzando nunha estreita colaboración,
anunciou a creación dun centro singular
de investigación “que aproveite as
capacidades da Escola Superior de Enxeñaría Informática” da Universidade
que representa, xa que, segundo asegurou, nese centro,“o software libre sería un área transversal necesaria que formaría
parte del”.
Mato sinalou que serían os especialistas
os que determinarían a denominación definitiva do centro ao que se referiu como
Informatic Center, e adiantou que no mesmo, velarase polo aproveitamento das vantaxes das
novas tecnoloxías da información e a comunicación, e máis concretamente do
software libre.