A Universidade de Vigo promove a reciclaxe de móbiles para salvar a selva africana
venres, 16 de xullo do 2010
Se onte abrimos a
que poderÃa ser a sección de medio ambiente desta web coa nova de que xa
ascenden a 5.000 millóns as persoas aboadas a algún número de teléfono móbil no
mundo (o que supón que hai que multiplicar esta cifra por cinco ou seis para contabilizar
os dispositivos reais que hai espallados por toda a xeografÃa), hoxe
completamos esta información con detalles moito máis alentadores para o medio
ambiente xa que moitos destes terminais poderán ser reciclados grazas a unha
iniciativa xestada dende a Universidade de Vigo.
E é que a Oficina
de Medio Ambiente desta entidade académica, en colaboración con Caixa Galicia e
o Centro de Extensión Universitaria e Divulgación Ambiental de Galicia (Ceida)
veñen de presentar a campaña 1000 móbiles pola selva, promovida polo
Instituto Jane Goodall, que se desenvolveu durante a pasada semana ao abeiro do
festival Vigo Transforma e que
continuará ao longo desta semana para acadar a cifra proposta. O obxectivo
desta iniciativa é recadar 1000 móbiles para a súa reciclaxe e conseguir fondos
para financiar programas de conservación da selva da República Democrática do
Congo. A campaña, xa que logo, porá a disposición dos interesados tres puntos
de recollida dos terminais situados no centro comercial A Laxe, El Corte Inglés
e a Lonxa do Concello.
As entidades
responsables da iniciativa, sabedoras de que moitos dos teléfonos móbiles en
perfecto estado son substituÃdos sen reparo en canto aparecen terminais máis
modernos, veñen de atoparlle unha nova utilidade aos mesmos e con este proxecto
recadaran 1000 móbiles para a súa reciclaxe e reutilización, reducindo asà a
crecente demanda dos seus compoñentes para a industria electrónica.
A campaña 1000
móbiles pola selva permite reciclar as partes útiles dos teléfonos
recollidos cun tratamento axeitado para aqueles compoñentes tóxicos e
contaminantes, ao tempo que se recadan fondos para programas de conservación
levados a cabo na República Democrática do Congo polo Instituto Jane Goodall.
Ademais, a recadación tamén se destina á colaboración en campañas de educación,
plantacións, proxectos de desenvolvemento sostible e o mantemento do Centro de
rescate de chimpancés de Tchimpounga.