A Xunta e a FNMT facilitarán a achega de certificados de sinatura electrónica
martes, 18 de agosto do 2009
- A receita electrónica é un dos servizos que aproveita as posibilidades da sinatura dixital
A SecretarÃa Xeral de
Modernización e Innovación Tecnolóxica e a Fábrica Nacional de Moeda e Timbre (FNMT) ampliarán nas próximas datas o número
de entidades e organismos dependentes da administración pública capacitados
para expedir o certificado de firma electrónica. AsÃ, fronte o convenio
anterior, que englobaba só á propia Xunta, incluÃdos o Servizo
Galego de Saúde (receita electrónica) e o Centro Informático
para a Xestión Tributaria (CIXTEC), o novo marco permitirá xestionar este
contido tamén aos concellos da comunidade, as deputacións provinciais, as universidades
públicas galegas, o Parlamento e mailo o Defensor do Pobo. Deste xeito, todos
aqueles cidadáns que desexen obter o seu certificado de firma electrónica
poderán solicitalo automaticamente no seu propio concello.
Neste novo ámbito, e
respectando o establecido pola Lei 59/2003, de firma electrónica, o presente
acordo servirá para garantir a validez e eficacia da emisión e recepción de
comunicacións e documentos producidos a través de técnicas electrónicas,
informáticas e telemáticas no ámbito de actuación das administracións públicas.
Para tal fin, a Fábrica
Nacional de Moeda e Timbre comprométese a aportar a infraestrutura técnica
necesaria asà como a prestar a correspondente asistencia técnica tanto no
momento presente como nas actualizacións futuras. Ademais, recóllese a
posibilidade de usar a nova plataforma de xeración de certificados conforme aos
requisitos da Lei 11/2007. Estes novos tipos de certificados son os de firma
electrónica do persoal ao servizo das administracións públicas, os selos electrónicos
das administracións públicas e os certificados de Sedes Electrónicas das
administracións electrónicas.
AsÃ, e como prestador de
servizos de certificación, a Fábrica Nacional de Moeda e Timbre emitirá para os
usuarios que o soliciten un conxunto de certificados, denominado certificado básico, que permitirá a
comunicación entre usuarios de forma segura. Asà mesmo, poderá revocar os
certificados e proceder ao arquivo dos mesmos. Grazas a estas actuacións,
aqueles terceiros que o desexen poderán verificar as firmas electrónicas feitas
polo titular do certificado.
Por outra banda, o
convenio introducirá tamén un servizo de datado dixital que servirá para probar
que un conxunto de datos existe antes dun momento dado e, ademais, que ningún
bit destes datos foi modificado dende entón. Este servizo proporciona un valor
engadido á utilización de firma dixital, xa que esta por si soa non proporciona
ningunha información acerca do momento de creación da mesma.
Pola súa banda, a Xunta
de Galicia, a través da SecretarÃa Xeral de Modernización e Innovación
Tecnolóxica, emitirá, cando proceda, os recibos de prestacións e conservará os
documentos tratados. Neste sentido, o convenio permitirá á administración
galega equipararse coas administracións públicas mais punteiras en materia
tecnolóxica, acadando a máxima protección posible dos datos de carácter
persoal.