A Xunta e as universidades asinan acordos para inxectar 9 millóns en investigación
martes, 13 de decembro do 2022
O
conselleiro de Cultura e Educación, Román Rodríguez, asinou este
martes 13 de decembro senllos acordos de colaboración cos reitores
das tres universidades públicas galegas, Antonio López (USC), Julio
Abalde (UDC) e Manuel Reigosa (UVigo) para
inxectar case 9M€ na investigación universitaria.
Por
unha banda, asinouse un acordo de colaboración por importe de case
5M€ para o financiamento dos Centros de Investigación do Sistema
Universitario de Galicia (CIGUS) para manter a súa actividade
investigadora. Son uns centros que, tal e como explicou o
conselleiro, “nos últimos tres anos teñen logrado uns datos
verdadeiramente notábeis, cunha repercusión positiva próxima aos
80M€ en proxectos competitivos e con preto de 1.800 traballando nas
súas diferentes instancias”. E engadiu: “Os logros obtidos polos
centros de investigación de Galicia confirman que estes polos son a
xoia da coroa dos nosos proxectos de I+D+i”.
Esta
inxección beneficiará aos oito centros acreditados, isto é, na
Universidade de Santiago de Compostela o Centro Singular de
Investigación en Química Biolóxica e Materiais Moleculares
(CIQUS), o Centro de Investigación en Medicina Molecular (CIMUS), o
Centro de Investigación en Tecnoloxías Intelixentes (CITIUS) e o
Instituto Galego de Física de Altas Enerxías (IGFAE); na
Universidade da Coruña o Centro de Investigación en Tecnoloxías da
Información e as Comunicacións (CITIC), e na Universidade de Vigo o
Centro de Investigación en Tecnoloxías de Telecomunicacións
(AtlantTIC), o Centro de Investigacións Biomédicas (CINBIO) e o
Centro de Investigacións Mariñas (CIM). Os importes consignados son
os seguintes:
Centros
e importes
CIQUS
823.488,06
€
IGFAE
795.091,92
€
CIMUS
728.834,26
€
CITIUS
728.834,26
€
CINBIO
690.972,74
€
CITIC
519.444,44
€
CIM
377.777,78
€
AtlantTIC
302.222,22
€
A
Consellería fixo saber que en liñas xerais cada un deles percibirá
“unha contía similar á que viña recibindo anualmente, pero
calculada para 10 meses, ata o momento en que se publique a nova
convocatoria de axudas e tendo en conta a avaliación cualitativa do
seu funcionamento actual”.
No
período 2016-2022 estes centros percibiron arredor de 30M€ (13M€
na primeira convocatoria de acreditación destes centros e outros
case 18M€ da segunda convocatoria de 2019) ao abeiro da primeira
convocatoria de axudas que o Goberno galego destinou de forma
específica ao seu funcionamento.
Por
outra banda, subscribiuse unha nova colaboración, por 4M€, para
financiar o funcionamento dos servizos e as infraestruturas
científico-tecnolóxicas das universidades. Isto abrangue tanto a
contratación de persoal como diversos gastos (electricidade,
seguridades, mantemento...), compra de pequeno equipamento
inventariábel, licenzas e renovacións de licenzas de software ou a
adquisición de material funxíbel e consumibles en xeral.
A
distribución realízase en función do persoal docente investigador
total por universidade, o que supón 1,6M€ para a Universidade de
Santiago de Compostela, 1,1M€ para a da Coruña e 1,2M€ para a de
Vigo.