A aplicación oficial de Gmail para iOS incorpora soporte de múltiples contas
martes, 4 de decembro do 2012
AÃnda que a aplicación de correo electrónico de iOS é
compatible con Gmail, para un acceso máis completo ao servizo podemos acceder
tanto a través de web como cunha aplicación oficial que vén
de dar un paso de xigante para chegar á versión 2.0, o que supón unha
grande mellora na súa velocidade e usabilidade, á vez que renova a súa
aparencia e incorpora detalles moi atractivos como presentar imaxes de perfil
nas mensaxes, novas animacións ou desprazamento infinito nas listaxes de
mensaxes.
Pero algúns usuarios daranlle máis
importancia ao feito de que a nova aplicación
de Gmail incorpora a posibilidade de configurala con varias contas de
usuario, axiliza as nosas buscas mediante a predición das nosas entradas de
texto, facilita a resposta a invitacións de Google Calendar e incluso admite
publicacións interactivas de Google+.
- A versión 2.0 da aplicación de Gmail facilita o acceso a múltiples contas de usuario
Actualización para Android
Pero non só os usuarios de iPhone e iPad poden gozar dunha renovada
aplicación de Gmail, senón que os usuarios de terminais con Android 4.x tamén
poden gozar agora de funcións novas como o axuste das mensaxes á pantalla
de xeito automático (permitindo tamén facer zoom sobre as mesmas), deslizar o
dedo polas mensaxes para arquivalos ou eliminalos, engadir fotografÃas e vÃdeos
dende Gmail e obter vistas previas máis grandes para fotografÃas, asà como
acceder á galerÃa para engadir imaxes.
