A comunicación en liña da cultura será un dos eixes dunha xornada do CCG
venres, 4 de setembro do 2015
Os profesionais da comunicación, da xestión cultural e da difusión da
cultura deberán apuntar unha cita á que non poden faltar o vindeiro 21 de
setembro, estamos a falar da xornada Cultura e comunicación na Europa do
século XXI, evento que marcará a apertura da programación do Consello da
Cultura Galega para o último cuadrimestre do ano. O eixo sobre o que se moverá
esta xuntanza será o de darlle unha viraxe ao papel da cultura nos novos
escenarios da industria cultural e da comunicación ao descubrir as
oportunidades e dificultades de emprender neste ámbito, co obxectivo de achegar
ideas e debates que permitan mellorar e enriquecer a comunicación cultural.
Dicir que a cita será de balde e xa ten aberto o prazo de inscrición a través da web do Consello
da Cultura Galega.
Xosé López, Xosé Rúas e Manuel Gago serán os coordinadores dun encontro
que pretende poñer sobre a mesa as polÃticas de comunicación, o papel da
cidadanÃa e das novas tecnoloxÃas de participación, a creatividade cultural en
tempos de crise económica e as relacións entre o xornalismo e a industria
cultural; asà como as posibilidades de emprendemento comunicativo en materia
cultural e o papel das institucións na difusión e na comunicación cultural.
A programación da xornada Cultura e comunicación na Europa do século
XXI desenvolverase en horario de mañá e tarde. A sesión da mañá centrarase
na transformación que as novas tecnoloxÃas permiten para a difusión cultural.
Carlo Sorrentino (profesor de SocioloxÃa dos Procesos Culturais e Comunicación,
da Università di Firenze), analizará a influencia de Internet na definición da
nosa identidade cultural. VÃctor Sampedro (catedrático de Xornalismo) falará de
cidadanÃa, mareas, e cultura no relatorio O cuarto poder na Rede.
Completa o programa matinal Marty McCarthy, quen amosará a difusión cultural da
National Sculpture Factory de Cork.
A sesión da tarde terá un carácter máis práctico e nela responsábeis de
publicacións achegarannos o seu punto de vista sobre a situación actual. Blanca
Berasátegui (directora de El Cultural), exporá a evolución da cultura en España
nos últimos vinte anos. Na mesa de Experiencias de comunicación cultural
estará Carles A. Foguet, un dos fundadores da revista Jot Down, e Marta
Peirano, responsábel de cultura de eldiario.es, quen abranguerá temas como Open
Access, Creative Commons e cultura. O programa complétase cunha mesa redonda
sobre A comunicación desde os centros e entidades culturais.
