A desenvolvedora de xogos sociais Zynga apúntase á moeda virtual
martes, 7 de xaneiro do 2014
A moeda virtual comeza
ben o ano. Asà nolo confirma o feito de que a desenvolvedora de
xogos sociais Zynga estea arestora a levar a cabo probas
para aceptar pagos nos seus produtos por medio de bitcoins.
Máis polo miúdo, a compañÃa traballa xa co sistema de pagos
BitPay para facer posÃbel o emprego do devandito valor de cambio con
respecto a algúns dos xogos (FarmVille 2, CastleVille, ChefVille,
CoasterVille, Hidden Chronicles, Hidden Shadows e
CityVille) que achega a través da web de seu.
A medida, informou Zynga,
responde á importante resposta e interese que está a amosar a
comunidade en liña por este novo tipo de moeda. O que non se
confirma é se Zynga vai facer extensÃbel a súa aposta ao resto do
seu catálogo, o que sen dúbida terÃa un ingrediente revolucionario
a ter en conta. E mesmo de valentÃa, xa que xa hai algún que outro
informe máis ou menos fiábel (como
o de Merrill Lynch) que sinala que pode haber risco de burbulla.
Zynga, con esta medida, segue o ronsel do fabricante de vÃdeo
consolas Ouya, que dende hai semanas xa deixa marxe para a
adquisición de aparellos de seu con esta divisa virtual.
Lembrar, para quen non o
saiba a estas alturas, que unha bitcoin é unha moeda
virtual en toda regra: non ten presenza fÃsica, senón que se basea
nun software e nun programa en código aberto e non está abalada por
ningún organismo oficial centralizado, como é o Goberno dos EE.UU.
(no caso do dólar) ou o Banco Central Europeo (no caso do euro). As
bitcoins pódense adquirir nun mercado de divisas virtual ou
mercándollas a un vendedor delas. Segundo explicou recentemente na
nosa terra o profesor na Universidade San Pablo CEU de Madrid, o
galego Abraham Otero, estas moedas créanse en números de 25 cada
dez minutos e coa resolución dun problema matemático, tendo unha
taxa de creación constante que imita o funcionamento dos recursos
naturais. Asemade, cando se chegue aos 21 millóns de bitcoins
deixaranse de crear máis, deixarase de producir riqueza para pasar a
empregarse esta moeda só para o intercambio.
Volvendo ao estado de
cousas da moeda, dicir que a súa cotización chegou a tocar un
máximo histórico nos 1.250 dólares a finais de 2013.