A disposición das mulleres de Ferrol un curso sobre as posibilidades dos móbiles
martes, 29 de outubro do 2019
O
Concello
de Ferrol e o INICE (Instituto de Investigación Científicas e
Ecolóxicas) van organizar este mes de novembro, entre os días 4 e
11 na Casa da Muller, un obradoiro formativo para empoderar ás
mulleres no manexo básico de novas tecnoloxías. Trátase dun
curso sobre manexo de móbiles organizado pola Concellería de
Igualdade e o INICE (Instituto de Investigacións Científicas e
Ecolóxicas). O programa está dirixido a veciñas empadroadas en
Ferrol e pretende incidir na formación para “mellorar a súa
incorporación na sociedade e que estea presente nos novos sectores
de emprego utilizando de forma habitual as novas tecnoloxías”.
O
curso será de balde e contará con dúas edicións, unha de mañá,
de 10 a 12 horas, e outra de tarde, de 17.15 a 19.15 horas, e haberá
10 prazas en cada unha. As participantes recibirán unha explicación
teórica dos contidos para poñelos en práctica utilizando
exercicios creados polo propio docente. O temario inclúe axustes de
teléfono, personalización da pantalla, xestión de contactos, uso
do correo electrónico, galería de imaxes, WhatsApp, Facebook,
Youtube e, por último, descargar e eliminar aplicacións.
As
participantes recibirán un certificado de aproveitamento sempre que
cumpran con, polo menos, un 75 % de asistencia. Ao rematar,
realizaranse enquisas de satisfacción para coñecer o grao de
consecución dos obxectivos e a calidade das devanditas accións
formativas. O prazo de inscrición estará aberto ata o 30 de outubro
a través do mail casadamuller@ferrol.es.