A exposición itinerante Galiciadixital chega a Celanova
mércores, 4 de marzo do 2009
- O subdirector xeral de Telecomunicación e Audiovisual da Secretaría Xeral de Comunicación, Manuel Conde Mouzo, e o tenente de alcalde de Celanova, José María Rodríguez Alvarez, inauguraron a exposición Galiciadixital
A exposición itinerante Galiciadixital chegou onte ao concello ourensán
de Celanova, cun acto de apertura no que participou Manuel Conde
Mouzo, subdirector xeral de Telecomunicacións e Audiovisual, así coma o tenente
de alcalde da vila, José María Rodríguez Álvarez.
A exposición estará ata o 8 de marzo no Claustro Barroco do Mosteiro de
Celanova, e poderá visitarse de 10:00 a 14:00 e de 16:00 a 20:00 horas. Os
visitantes poden participar nunha experiencia interactiva que mestura a arte e
a tecnoloxía, servido como plataforma para experimentar novos sistemas e
contidos audiovisuais realizados por empresas e universidades galegas.
Galiciadixital ofrece proxeccións e xogos en 3 dimensións, un tiraboleiro
virtual, unha viaxe aérea pola nosa comunidade e a presenza de Axóuxere, o can
robot que fala galego.
- A exposición ofrece proxeccións e xogos 3D