A fibra de Movistar chega xa ao 80% do municipio da Estrada
venres, 8 de abril do 2022
- Vista da casa consistorial da Estrada
Telefónica
vén de facer balance dos traballos despregados esta tempada para
ampliar a cobertura de tecnoloxía FTTH (Fibra Óptica Até o Fogar)
nas parroquias do rural do concello da Estrada. No
balance faise saber que a operadora xa conectou 684 novas vivendas e
locais en 41 novos núcleos de poboación.
Estas
unidades súmanse ás 690 xa conectadas á fibra óptica nos últimos
meses, o que supón en total o 80% de todos os inmóbeis da Estrada,
que é, segundo lembra a compañía de telecomunicacións, “un dos
municipios máis extensos de Galicia e con meirande dispersión”, o
que obrigou a Movistar a un importante traballo de despregadura.
Os
fogares conectados poden gozar xa da fibra óptica de Movistar, que
ofrece voz con alta calidade nas chamadas e máxima velocidade de
conexión a Internet en varios dispositivos (computador, tableta,
móbil) de forma simultánea e sen reducir a velocidade de conexión,
entre outras vantaxes. Ademais, se o usuario dispón de Movistar+,
terá acceso a canles de alta definición e poderá gozar dos seus
contidos mentres navega por Internet, ademais de conseguir a máxima
velocidade e resposta nos xogos en rede.