A frota da Xeración D chegou ás Pontes para incrementar as competencias dixitais da cidadanía
xoves, 3 de agosto do 2023
A
frota
de Xeración D formada por seis autobuses, chegou este luns 31 de
xullo até As Pontes co fin de desenvolver e mellorar as
competencias dixitais da súa cidadanía, aprender a sacar partido
das oportunidades da dixitalización e coñecer novas ferramentas.
Durante
dous días ás persoas visitantes da unidade móbil das Pontes
puideron poñer a proba os seus coñecementos na materia a través
dunha experiencia dixital inmersiva, mergullándose no uso de
buscadores da Internet, redes sociais, ciberseguridade ou xestións
en liña. Os contidos achegáronse en clave aberta e accesíbel, para
todos os públicos, ofrecendo aos usuarios múltiplest recursos e
orientación para o sinxelo desenvolvemento das súas competencias
dixitais.
O
interior da unidade móbil está equipado con tecnoloxía inmersiva
que convida a participar nunha serie de actividades prácticas para
fomentar e incentivar o desenvolvemento das competencias dixitais.
A
experiencia que se ofrece
a través da frota de Xeración D
é personalizada e axústase ás necesidades de cada persoa usuaria,
que comeza a actividade
enfrontándose a un test autodiagnóstico que permite
coñecer o seu nivel de coñecemento dixital para despois superar
xogos e actividades variadas e de todos os niveis: desde aprender a
realizar unha procura óptima na Internet ata fuxir das fake
news, até
optimizar o uso das redes sociais ou xestionar a identidade dixital.
Ademais, o autobús conta
cunha sala de escape na que os usuarios terán que poñer en práctica
o aprendido se queren resolver o xogo e lograr saír da sala.
A
campaña Xeración D está financiada polos Fondos Europeos – Next
Generation a través da Secretaría de Estado de Dixitalización e
Intelixencia Artificial (SEDIA), dependente do Ministerio de Asuntos
Económicos e Transición Dixital. Unha iniciativa enmarcada no Plan
de Recuperación, Transformación e Resiliencia que recolle, entre os
seus eixos estratéxicos, o reforzo das competencias dixitais dos
traballadores e do conxunto da cidadanía coa creación do “Pacto
pola Xeración D”.