A galega Livetopic pecha rolda de financiamento de 100.000 euros
luns, 19 de marzo do 2018
A
startup galega Livetopic,
centrada en tirar partido da comunicación móbil e das tecnoloxías
avanzadas de análise da información para recomendar aos usuarios os
mellores pasos a seguir para mellorar a súa situación económica,
vén de pechar unha rolda de financiamento de 100.000 euros. Entre os
novos investidores figuran investidores de proximidade como Telmo
Pérez Luaces, xefe de Innovación e Novos Negocios en Acciona, ou
Sixto Arias, director executivo de Made in Möbile. Completan a rolda
de investimento altos directivos do sector financeiro e empresarios
do tecido empresarial galego.
Segundo
fan saber os responsábeis de Livetopic a conto da rolda de
financiamento, os obxectivos da startup a curto prazo pasan
con “converterse nun referente no asesoramento financeiro dixital a
nivel nacional” e dar o chimpo ao mercado europeo. Alejandro
Mariño, director executivo de Livetopic, comenta: “Estamos moi
satisfeitos do apoio recibido, o cal nos permitirá acelerar procesos
con vistas a cumprir os obxectivos marcados”. Tamén explica que o
peche desta rolda de financiamento supón “un novo fito na curta
pero intensa vida de Livetopic”.
Lembrar
que a nova firma galega foi recoñecida recentemente co primeiro
premio do INSEAD Venture Competition (o mesmo galardón que recibiu
no seu día BlaBlaCar) e o primeiro premio do programa Santalucía
Impulsa, como startup con importante proxección.
A
nova firma, emprazada en Pontevedra, está centrada en tirar proveito
das máis avanzadas tecnoloxías para facer análises detalladas e
independentes da nosa situación económica e financeira,
achegándonos asesoramento sacar a máxima rendibilidade dos nosos
aforros.