A marca de viños Martín Códax aposta por Redegal para a súa tenda en liña
luns, 14 de xullo do 2014
Estar
ou non estar na Rede é a día de hoxe unha especie de “ser ou non
ser” vital á hora de vender e polo tanto existir e prevalecer no
comercio (neste caso no electrónico), pois é ben sabido que cada
día aumenta máis e máis a venda por Internet. Así o confirma o
informe de Experian
Marketing Services
de marzo de 2013, do cal se deduce que 66,7% dos
compradores online habituais,
adquiren produtos de alimentación mediante as canles dixitais. É
por iso que Redegal,
a axencia galega de tecnoloxía dixital para as vendas -especializada
en comercio electrónico, deseño web e desenvolvemento de app
móbiles e de Facebook- vén de dar a coñecer un dos seus últimos
proxectos, estamos a referirnos á tenda en liña de Martín
Códax.
A marca de viños e
augardentes de Cambados achega na súa tenda en liña un deseño onde
o produto é o protagonista; unha estrutura sinxela onde o usuario
poderá navegar dun xeito doado; e un proceso de compra sinxela. A
información que estás a buscar, os produtos que queres mercar ou os
eventos aos que che apetece acudir, están tan só a un clic. Amais
de mercar viños e augardentes, na devandita tenda poderanse adquirir
entradas para Os Xoves de Códax (concertos de artistas
galegos que se levarán a cabo nos xoves de xullo e agosto); ou
visitas guiadas á súa adega e viñedos, para descubrir polo miúdo
o proceso de elaboración do albariño. Asemade, tamén se achega a
oportunidade de personalizar as caixas de botellas de viño (con 6
opcións).