A transformación dixital das finanzas, ao detalle nun curso de verán da USC
xoves, 14 de xuño do 2018
A
Universidade de Verán 2018 da USC vai ofrecer un
curso sobre as novas finanzas no mundo dixital os días 4 e 5 de
xullo na Facultade de Ciencias Económicas e Empresariais (Santiago).
A matrícula pode formalizarse de xeito presencial ou
a través da web da USC até o próximo 23 de xuño. O
curso estará dirixido por Loreto Fernández Fernández e ten como
finalidade avaliar e mostrar ao detalle “as grandes transformación
que está a experimentar a industria financeira tras a dixitalización
global”.
Segundo
lembra a Universidade, esta transformación fixo da innovación “unha
variade clave das novas estratexias do sector, ao que chegan novos
competidores (fintech, bigtech e neobanks) e onde o
incremento de clientes é exponencial”.
A
actividade formativa está dirixido a estudantes universitarios de
calquera titulación, docentes, profesionais da industria financeira
e ao público en xeral. Os contidos incluídos no curso tratan as
perspectivas xerais da tecnoloxía financeira nos mercados, a banca
no século XXI, a ciberseguridade na operativa financeira e o fraude,
as novas claves estratéxicas no sector financeiro, os retos do
proceso de innovación tecnolóxica nunha entidade financeira, os
novos requisitos na arquitectura tecnolóxica, a banca móbil e os
requirimentos xurídicos no marco da dixitalización, entre outros
temas.
