A veciñanza de Santiago favoreceu a recolección de 3.299 aparellos electrónicos e eléctricos grazas a Tropa Verde
xoves, 29 de decembro do 2016
A iniciativa ecolóxico-tecnolóxica Tropa
Verde, impulsada
polo Concello de Santiago e pola empresa local Teimas
para recoñecer co diversos premios a conciencia ecolóxica da
cidadanÃa, vén de pechar un ano de éxito. Segundo
sinala o Goberno local, Tropa Verde desenvolveu en 2016 un total de
11.000 accións ambientais e foi quen de acadar 2.000 usuarios
rexistrados e outros tantos participantes nas actividades escolares.
Asemade, fixo posÃbel a recolección de 3.299 aparellos eléctricos
e electrónicos.
Son algúns dos datos máis importantes do balance do proxecto que
o Concello ten en marcha en colaboración con Teimas Desenvolvemento.
No informe tamén se di que a Tropa Verde conta xa con 115
establecementos colaboradores, responsábeis de entregar unhas
recompensas aos veciños e veciñas máis concienciados coa
reciclaxe, que xa superan o valor de 15.000 euros. Asemade, houbo
unha chea de campañas de concienciación ambiental sobre reciclaxe,
unha boa parte delas nos centros educativos. Nestas campañas
salientouse a importancia de cousas como recoller o aceite de cociña
usado ou impulsar a reciclaxe e segundas vidas de aparellos
informáticos.
En termos concretos, Tropa
Verde dirÃxese a recompensar o compromiso da cidadanÃa
co medio ambiente e coa xestión sostÃbel de refugallos
(electrónicos e eléctricos, pero tamén de outros moitos tipos).
Dito doutro maneira: trátase de recoñecer os esforzos das veciñas
e veciños a prol da reciclaxe e o tratamento axeitado das cousas que
xa non usan e que se poden reutilizar. O proxecto púxose en marcha
en 2015 e foi concibido como un xogo responsábel cunha contorna ben
concreta (as rúas de Compostela) e con recompensas a xeito de
descontos e premios nos comercios e a hostalerÃa local. Para
facilitar a entrega destes residuos, o Concello de Santiago e Urbaser
achegan os puntos limpos de Piñor e do Tambre, e o Punto Limpo
Móbil. Tamén colaboran os centros socioculturais.
Para participarmos na iniciativa Tropa Verde temos que rexistrarnos coa nosa conta de correo ou coa de
Facebook. Logo de facer depósitos de refugallos (pilas, aceites,
electrodomésticos, móbiles, móbeis, etc) nos sitios de recollida
indicados e habilitados, recibiremos un cheque que teremos que trocar
na páxina web tropaverde.gal
por unha serie de puntos en forma de estrelas que se poderán cambiar
polas recompensas ofertadas.