A web Galizasport.com renova a súa imaxe
xoves, 3 de decembro do 2009
O
diario dixital deportivo Galizasport.com,
que viu a luz hai pouco máis de dous anos, vén de remodelar por completo a súa
imaxe e a súa presenza na Rede, mellorando o seu servizo e a distribución dos
seus contidos para convertirse nunha ferramenta moito máis funcional e
atractiva para os internautas.
Os
responsables desta web que presta servizo a todo tipo de entidades deportivas,
clubes e federacións, decidiron darlle unha volta á imaxe que presentaban dende
o seu lanzamento, e ademais das modificacións do deseño, que se poden observar
a primeira vista, engadiron novos servizos e funcións que os internautas poden
empregar comodamente dende o seu propio ordenador.
Entre
as actividades que os usuarios deste sitio galego poden facer agora destaca a
posibilidade de subir eventos para o calendario de maneira automática, a opción
de engadir ligazóns dos seus sitios web de interese e a posibilidade de subir
novas relacionadas con todo tipo de deporte sen excepcións. Asemade, a web
permite que todas as persoas rexistradas poidan facer uso do foro que se atopa
na mesma páxina, así como seguir as novas, imaxes e información de utilidade
que outros usuarios penduran diariamente.
Galizasport.com,
que ten programado seguir mellorando o seu servizo, ofrece dende agora unha
presenza web “máis visual e atractiva
para o ollo humano”na que destaca especialmente o seu colorido e o cambio
do logo.