ABANCA, recoñecida pola súa comunicación dixital
luns, 12 de xuño do 2017
ABANCA
vén de obter un importante recoñecemento ao seu labor de
comunicación cos clientes, máis polo miúdo polas súas estratexias
de fidelización e dixitalización. Falamos
do premio EMOtional Friendly Bank, que distingue a entidade
financeira galega como a banca estatal que máis mellorou no último
ano en materia de confianza dos seus clientes. O recoñecemento,
outorgado pola consultora EMO Insights International, está motivado
polos resultados obtidos polo banco no 5º Estudo de emocións de
clientes particulares no sector bancario español, elaborado por
esta empresa. Segundo esta enquisa, ABANCA tamén se sitúa nos
primeiros postos do sector en consolidación da banca móbil.
O
director xeral de Negocio España, Luis Beraza de Diego, foi o
encargado de recoller o premio de mans da conselleira delegada de EMO
Insights, Elena Alfaro, nun acto celebrado na sede institucional de
ABANCA en Madrid.
O
estudo de EMO Insights, baseado en máis de tres mil enquisas online
a clientes de 17 entidades, mostrou unha evolución positiva da banca
galega no índice EMO, que é a métrica que resume o apego emocional
dun cliente cara a unha marca en base a emocións positivas (abraio,
ledicia, confianza e agradecemento) e negativas (decepción,
irritación, frustración e inseguridade). ABANCA obtivo nesta
investigación un índice EMO do 32,1%, cunha mellora do 18,3% con
respecto a 2016, a máis alta do sector.
A
maiores, como dixemos, a entidade galega foi quen de emprazarse nos
primeiros postos do sector en afianzamento da banca móbil. En
teremos concretos, aparece como un dos bancos que ostenta un meirande
emprego da app móbil como canle de contacto dos clientes,
superando á media do sector.
Asemade,
a gran distancia do segundo competidor, foi a entidade que “máis
medrou en proceso de dixitalización no último ano”.