Aberta a inscrición da 2ª convocatoria de Imaxina Coruña, que conta co apoio do CESGA
luns, 23 de xaneiro do 2023
O
Concello
da Coruña abriu o prazo de inscrición para a segunda edición do
proxecto educativo Imaxina Coruña para o curso escolar
2022-2023, unha iniciativa municipal que pretende difundir a
cultura científica e tecnolóxica entre o alumnado de Educación
Secundaria Obrigatoria.
O
prazo de inscrición comeza este luns 23 de xaneiro e ficará aberto
ata o 15 de febreiro e poden presentarse todos os centros educativos
con sede na cidade da Coruña e área metropolitana que conten con
grupos de alumnado de educación secundaria obrigatoria e
bacharelato.
Segundo
explicou o Concello, este ano a temática escollida para os proxectos
é a ciencia cidadá. Os equipos deberán desenvolver unha
investigación utilizando a aplicación móbil educativa do CESGA
(Centro de Súpercomputación de Galicia), aplicando as TIC
(Tecnoloxías da Información e a Comunicaicón) ao ámbito educativo
e “aprendendo a utilizalas dunha forma segura”. O proxecto
finalizará coa presentación pública dos experimentos ou materiais
creados que cheguen á fase finalista.