Aberto até este martes o espazo da Deputación e o INCIBE en San Marcos para formar en ciberseguridade
luns, 4 de decembro do 2023
A
Deputación de Lugo e o Instituto Nacional de Ciberseguridade
(INCIBE), dependente do Ministerio de Transformación Dixital, poñen
a disposición da cidadanía diferentes dispositivos para formar e
informar sobre as ameazas de Internet. Fano na sede da institución
provincial, cunha instalación ao servizo da veciñanza destinada a
mellorar os seus recursos para garantir navegacións seguras.
A
Sala de Exposicións do Pazo de San Marcos acolle este luns 4 e este
martes 5 de decembro, en horario de 9.00 a 14.00 horas e de 16.00 a
19.00 horas, a mostra Experiencias itinerantes sobre
ciberseguridade, cunha zona informativa e outra de actividades
gratuítas enfocadas a detectar os riscos e previr os problemas máis
habituais en materia de ciberseguridade.
A
Deputación explicou que “entre os obxectivos desta iniciativa,
dedicada á cidadanía en xeral, está o de reforzar a confianza no
ámbito dixital a través da formación en materia de
ciberseguridade, para mellorar a capacidade das persoas de
desenvolverse con confianza na era dixital”.
Este
espazo conta con tres zonas diferenciadas: unha zona informativa,
unha zona demostrativa e de capacitación, e unha zona de
gamificación que contará con diferentes ordenadores. O
público obxectivo é o alumnado, as familias, e as empresas, que
poderán acceder ao espazo en horario de 9.00 a 14.00 e de 16.00 a
19.00. A zona demostrativa ten capacidade para 12 persoas ao mesmo
tempo e a de gamificación para 24. A entrada é libre e
gratuíta.