Acentúanse os problemas co control de contidos daniños en YouTube
mércores, 5 de xuño do 2019
- Steven Crowder mantén a súa canle de YouTube pese a lanzar dende a mesma mensaxes racistas e homófobos
Nos últimos meses semellaba que as crises de reputación de
empresas tecnolóxicas eran monopolio de Facebook, pero no que vai de xuño a
plataforma que está a ser fonte de máis crÃticas é YouTube, non só por terse
desvelado serios problemas no servizo de vÃdeo, senón tamén pola súa nefasta
resposta, xa que ante os escándalos que xorden reaccionan publicando
comunicados explicando o seu bo proceder xusto onde está a demostrarse que
fracasan.
Temos asà que o
comunicado sobre os esforzos de Google para protexer aos menores e ás familias
en YouTube foi consecuencia da denuncia de que cando certos usuarios
consumÃan contidos pornográficos atopaban logo como o algoritmo de
recomendación de YouTube recomendáballes vÃdeos de, por exemplo, nenas bañándose,
o que fóra de contexto serÃa un contido inocente, pero que ao verse sexualizado
por parte dos ollos que o miran convértese en nun problema con grandes repercusións
xa que foméntase a pederastia e exponse a menores a un perigo (que tanto
poderÃa ser a través de comentarios como transcender ao mundo real).
Pero hoxe mesmo a historia repÃtese, e agora temos un comunicado no que dende
Google aseguran estar a traballar de xeito continuo para facer de YouTube unha
comunidade libre de contido daniño eliminando contido que incite ao odio e
ao supremacismo. Pero esta declaración de intencións chega despois de anos sen
mover un dedo contra o negacionismo do Holocausto ou da glorificación do nazismo,
resultando especialmente rechamante que saquen este tema xusto no medio dun
escándalo no que queda clara a pasividade de YouTube: ante a denuncia do
xornalista Carlos Maza da canle de Steven Crowder na que se lle lanzan
numerosos ataques aludindo á súa sexualidade e raza, provocando que reciba
ameazas no seu dÃa a dÃa, dende YouTube responderon asegurando que «as opinións
poden ser profundamente ofensivas, pero se non violan as nosas normas, manteranse
na nosa páxina web» pese a que nas propias normas de YouTube figura claramente
que non se tolera o racismo e a homofobia.
Dado que a mala resposta de YouTube fixo máis mal que ben, decidiron penalizar
a canle de Crowder expulsándoa do programa de monetización, o que
claramente non frea a difusión de discursos de odio e, especialmente, non
disuade ao abusón, xa que a súa fonte de financiamento principal non é a
publicidade nos seus vÃdeos, senón un programa de mecenado e
unha tenda de mercadotecnia
(principalmente camisetas con frases provocativas tipo «o socialismo é para maricallos»), dando a impresión de que
YouTube non quere deixar sen o contido polémico aos seus 3,8 millóns de
subscritores, pese a que con iso estea a alimentar discursos moi prexudiciais
para a sociedade en xeral.
Resulta lamentable ver como YouTube considera que un tipo de contido é ofensivo
para os anunciantes pero non para os usuarios, empregando un criterio arbitrario
que está claramente en contradición coa postura que aseguran defender.