Aerocamaras fornece o seu dron híbrido ao programa de Jesús Calleja sobre os lumes
martes, 16 de outubro do 2018
A
empresa galega Aerocamaras,
centrada en formación e desenvolvemento de drons, vén de colaborar
novamente co xornalista, activista e aventureiro Jesús Calleja para
ofrecer (no capítulo deste pasado domingo de Volando Voy,
dispoñíbel
agora en liña) un achegamento o máis completo posíbel ás
marcas da catástrofe forestal acontecida na nosa terra hai
exactamente un ano por mor dos lumes sen control. A firma da nosa
terra, que xa participou no episodio adicado á Ribeira Sacra,
forneceu ao programa da canle Cuatro imaxes aéreas da zona cero dos
incendios. Fíxoo coa axuda dos seus drons, que salientan polas súas
capacidades e a súa autonomía.
O
episodio, que se gravou no mes de xuño, rememora os incendios que
afectaron hai un ano a comarca de Val Miñor- Baixo Miño, en
Pontevedra, cun programa onde as imaxes aéreas cobran “especial
protagonismo”, en palabras de Aerocamaras, que engade que o equipo
do programa de Calleja visitou a contorna co obxectivo de coñecer de
primeira man os esforzos e a tecnoloxía que desenvolve Aerocámaras
na prevención de incendios, xa que realiza en Galicia cursos
específicos de emerxencias e seguridade con drons. Neste episodio,
ademais, Calleja e a veciñanza da comarca encárgase de plantar un
bosque con máis de 1.000 árbores autóctonas en Chandebrito, unha
das zonas máis afectadas pola vaga de incendios.
Neste
programa, Aerocamaras presentou o seu novo e único dron civil
híbrido, o Aerohibrido, un vehículo aéreo non tripulado con máis
de 5 horas de autonomía grazas ao seu sistema de seguro e
independente de voo. En palabras da empresa galega, con este
lanzamento “abrimos un novo abano de posibilidades no mundo dos
vehículos aéreos non tripulados e contribuímos á explotación dos
mesmos no mundo laboral en diferentes sectores. Nesta ocasión para
algo tan importante e humano como son as emerxencias e a seguridade,
e por extensión as situacións dos incendios”.