Allariz estrela aula de estudo para a mocidade con conexión a Internet
mércores, 19 de maio do 2021
O
Concello
de Allariz. a través da Área de Mocidade, vén de crear un novo
espazo municipal de estudo con acceso a Internet. As novas
dependencias, que se coñecen como Aula do Saber, xorden co obxectivo
de “facilitar á mocidade dende os 14 anos un lugar axeitada para a
súa actividade académica”. O espazo conta con acceso á Rede e
está localizado nas instalacións da Casa da Mocidade. Conta con
mobiliario adaptado ás necesidades das e dos estudantes.
O
seu horario de apertura será de luns a sábado de 09:00h ás 14:00h
e de 16:00h ás 21:00h.
A
alcaldesa de Allariz, Cristina Cid, destaca esta nova iniciativa coma
“unha máis no desexo por ofrecer servizos e seguir reforzando a a
calidade de vida de Allariz”, ao mesmo tempo que espera que “poida
estar en funcionamento moito tempo para cubrir todas as necesidades
que xurdan tanto nos alumnos de bacharelato, universidade ou aos
propios opositores”.
Amais
deste centro de estudos, o Concello habilitou un estudo de gravación
para a xente nova, que estará a disposición da xuventude local
baixo reserva en radio@allariz.gal ou no telefono 988 680 434.
O
concelleiro Iago Santás, convidou a todos aqueles que queiran gravar
o seu proxecto, sexan regueifas, rap ou calquera outro estilo, a
achegarse á Casa da Mocidade.