Ames pon a disposición da mocidade un Scape Room Online
xoves, 10 de decembro do 2020
A
Concellería
de Mocidade de Ames organizou un Scape Room Virtual
para os días 18 e 19 de decembro, unha nova actividade abeirada
ao programa Trouleando. O venres 18, a sesión está dirixida á
mocidade de entre 12 e 16 anos, mentres que o sábado 19 é para
mozos/a que teñan a partir dos 17 anos. O prazo de inscrición
estará aberto ata o mércores 16 de decembro.
As
persoas interesadas deberán anotarse enviado un correo electrónico
ao enderezo omix@concellodeames.gal.
Trátanse
dun conxunto de xogos en directo onde os rapaces e rapazas
participantes conectaranse por streaming aos diferentes
desafíos propostos a través dunha ligazón privada de Youtube.
Durante as sesións, o game master
iralles propoñendo diferentes enigmas.
A
actividade, organizada pola Concellería de Mocidade, realizarase o
venres 18 de decembro, de 19.00 a 20.30 horas, cunha sesión dirixida
a mozos de 12 a 16 anos. Conexión Entrante é o título do
xogo no que un hacker establecerá conexión cos PC dos
participantes para propoñer unha serie de probas nun tempo limitado.
O
sábado, 19 de decembro, os mozos e mozas que teñan a partir dos 17
anos poderán desfrutar da segunda sesión do Scape Room.
Nesta ocasión, de 19.00 a 20.30 horas, baixo o nome Isto non é
un xogo, retarase aos usuarios e usuarias a intentar conseguir
ver enteiro un vídeo proxectado.
Os
participantes poderán xogar individualmente ou separados en grupos
de amigos/as, sempre e cando estean conectados entre eles. En equipo
ou en solitario deberán dar coa resposta ou clave do enigma proposto
e terán que ser os mais rápidos en introducila no sistema. Cada
proba estará cronometrada e, ao finalizar o tempo, gañarán puntos
dependendo do rápidos que foran.
A
concelleira de Mocidade, Escarlata Pampín, destaca que “as
actividades virtuais de Conexión Entrante e de Isto non é
un xogo estarán cheas de probas, pero tamén de charlas e
vaciles cos participantes entre as probas. Son xogos moi interactivos
cun game master moi sarcástico”.