Android 5.0 impulsa a renovación das aplicacións de Google
luns, 3 de novembro do 2014
- Tumblr e BuzzFeed adaptáronse a material design
Coa chegada
do Nexus 9 a Google Play, de xeito que xa pode mercarse a primeira tableta
con Lollipop dende España, temos que
Google está a renovar o seu software para dispositivos móbiles, adaptándoo a material design (unha das novidades máis
significativas do novo Android), a vez que desvelan
que hoxe mesmo comezan a distribución dixital da actualización a Android 5.0
(que chegará inicialmente aos dispositivos da gama Nexus).
Este novo deseño de aplicacións aposta por dar ao software a aparencia de
elementos do mundo real, como o papel e a tinta, á vez que empregan cores
fortes e tipografÃa ancha, asà como unha xerarquÃa clara e un enfoque que
faciliten que prestemos atención ao contido.
Un exemplo de aplicación
que está a renovarse é Google Calendar, a ferramenta de calendario que xa
non se limita a recoller os elementos que apuntemos na axenda, senón que
reforza o seu rol de servizo, e que, por exemplo, engade de xeito automático ao
noso calendario elementos que recibamos por correo electrónico (como cando
contratamos un voo, facermos unha reserva hoteleira ou mercamos a entrada dun
concerto), inclúe suxestións para aforrar tempo ao usuario, e inclúe unha vista
de axenda que inclúe fotografÃas e mapas dos lugares ao que iremos, asà como
ilustracións de eventos habituais para facer moito máis visual a consulta dos
nosos calendarios. Esta aplicación está xa dispoñible para os terminais con
Android 5.0, aÃnda que máis adiante tamén estará dispoñible para calquera
trebello con Android 4.1 ou superior.
VÃdeo de presentación do novo Google Calendar
Na mesma liña tamén
está a actualizarse a aplicación oficial de Gmail para Android, que
incorpora un estilo gráfico novo, transicións máis agradables e outros cambios
de interface como o feito de que na parte inferior de cada mensaxe temos un
botón de resposta, facendo máis rápido e doado continuar unha conversa cando
estamos en mobilidade.
Pero a principal actualización para moitos usuarios non corresponderÃa aos
cambios de interface, senón ao feito de que agora este cliente de correo
electrónico soporte outros provedores que empreguen tecnoloxÃas POP/IMAP como
Yahoo Mail ou Outlook.com, de xeito que dende a mesma aplicación coa que
xestionarmos o correo de Google podemos tamén xestionar outras contas de
e-mail.
VÃdeo de presentación da nova aplicación de Gmail para Android