Aparecen na web imaxes dun prototipo de iPod Touch con cámara de 2 Mpíxeles

Vietnam estase a converter en todo un pesadelo para Apple, pois un blog local está a publicar distintas filtracións de futuros lanzamentos da compañía coma o iPhone 4G/HD, o último MacBook branco e agora tamén un iPod Touch que incorporaría unha cámara de 2 Mpíxeles e unha memoria interna de 64 Gb.
Estariamos ante un prototipo fabricado por Foxconn, aínda que polo momento non está claro se estamos ante a nova versión do iPod Touch ou ante un produto vello desbotado, posto que no pasado xa apareceran na Rede imaxes dun prototipo de iPod Touch con cámara. O hermetismo de Apple con respecto dos seus novos produtos non permitirá nin desmentir nin confirmar a posibilidade de que o iPod Touch goce de cámara no modelo que podería lanzarse despois do verán.

Vídeo con prototipo de iPod Touch en funcionamento