Arredor de 20 expertos amosarán os novos camiños da comunicación en #InLugo
luns, 12 de decembro do 2016
O
Congreso de Cultura Dixital e Redes Sociais, #InLugo,
conta este ano cun máis
que completo programa de actividades.
Segundo informou a
Deputación de Lugo, impulsora do evento, a axenda da xuntanza
abranguerá un cumprido feixe de relatorios,
debates e exposicións breves. Estas
actividades virán da man dun elenco de persoeiros TIC especialistas
nas máis variadas temáticas: novos medios, mercadotecnia dixital,
fotografía, comunicación en liña, etc. Nun
plano máis detallado, contarase coa presenza de
20 profesionais referentes no eido TIC galego e estatal. O
congreso #InLugo celébrase os
días 16 e 17 de decembro no Pazo de San Marcos de Lugo (sede da
Deputación).
Coma
nas anteriores entregas, por #InLugo pasarán algúns dos máis
renomeados especialistas TIC da actualidade. Por
exemplo Phil González,
responsábel de
New Media AMC Networks para a península e América Latina e
embaixador de marca de Sony Mobile, amais
de creador da que
se considera a maior
comunidade de usuarios da coñecida rede social de fotografía,
Instagramers.com,
con presenza en centos de cidades do mundo e en continuo
espallamento.
Asemade,
no congreso intervirán
Bárbara Yuste, xornalista e profesora na Universidade
Carlos III e
Camilo José Cela de Madrid e
directora de bez.es;
Javier Pedreira, autor do blog Microsiervos
e especialista en cultura
dixital;
Juan García, director de Escuela
Bitácoras; Daniel Basteiro,
xornalista e cofundador de El
Español; Sebas Mouret, estudante e youtuber
de éxito ou Miguel
Ángel Lureña, doutor, licenciado en Ciencias da Tecnoloxía dos
Alimentos e creador do afamado blog divulgativo gominolasdepetroleo.com.
O
evento tamén contará coa presenza, entre outras/os relatoras/es de
primeiro nivel, de Óscar Fafián, responsábel de Estratexia de R no
desenvolvemento de novos servizos da
Internet das Cousas
(IoT), que achegará aos asistentes a experiencia recente da compañía
galega de telecomunicacións no ámbito dos obxectos conectados
(televisores, cámaras, smartphones,
alumeado, electrodomésticos, equipamento variado), facendo fincapé
nas vantaxes dos mesmos para todo tipo de servizos e demandas.
Asemade,
xa confirmou a súa presenza no congreso un “vello coñecido” do
mesmo: o cómico, locutor, guionista e presentador Víctor Grande,
que será en boa medida o encargo de animar, presentar e acadar a
máxima pegada (dentro
e fóra de #InLugo) para as diferentes
actividades previstas para o Pazo de San Marcos. Lembrar
que Grande recentemente estivo de actualidade nos medios TIC por ter
lanzado un novo proxecto cursodecomedia.com,
un blog dirixido cómicos, oradores e seareiros no que comparte as
súas experiencias no mundo da comunicación co humor como
catalizador.
Amais
de todo o devandito, entre
os intres clave do programa atópanse as presentacións de diversos
servizos e proxectos TIC que se están a desenvolver na provincia.
Así, a mañá do
sábado estará reservada ao espazo Lugo
na Rede onde se
contará, entre outros,
coa presenza de
Simón Cabarcos, director de Blindaxe Sport e até
un total de catro iniciativas que teñen as redes sociais e Internet
como “principais impulsores”. Este
espazo Lugo na Rede
será presentado polo deputado provincial de Innovación,
Participación Cidadá, Mobilidade e Deportes. Sen saírnos do sábado
pola mañá, a pegada galega terá sobre as 12.30 horas unha
interesante prolongación no obradoiro formativo Aprender
a crear dende cero unha web para o teu negocio.
Virá da man da firma local Raiola Networks e contará coa
participación activa de Álvaro Fontela e Ángela Piñeiro.
Programa
provisional
Venres
16 de decembro
16:00
Apertura e recollida de
acreditacións
16:30
Benvida institucional a cargo de Darío Campos (@depulugo),
presidente da Deputación de Lugo.
17:00
Conferencia inaugural. O éxito de Instagram, máis que unha rede
social de fotografía. Intervén Phil González (@PhilGonzalez),
creador de Instagramers, a meirande rede social de usuarios de
Instagram presente en centos de cidades do mundo.
17:45
Relatorio Son seguros os alimentos que comemos? A
cargo de Miguel Ángel Lurueña (@gominolasdepetroleo),
doutor, licenciado en Ciencias da Tecnoloxía dos Alimentos e creador
do blog gominolasdepetroleo.com.
18:30
Pausa para o café
19:00
Relatorio Fogar Dixital e Internet das Cousas. Óscar Fafián
(@ofafian), responsábel de Marketing de R Galicia.
19.45
Obradoiro formativo: A revolución do eLearning: Juan Garcia
(@blogoff), formador e director da Escola Bitácoras.
20:30
Humor 2.0. Actuación musical de Víctor Grande (@vicgrande)
Sábado,
17 de decembro
10:30
Lugo na rede. Presentación de empresas, iniciativas e
proxectos relacionados coa Rede e co ADN tecnolóxico lucense.
Presenta: Pablo Rivera (@priveracapon), deputado Provincial de
Innovación, Participación Cidadá, Modidade e Deportes. Entre estes
proxectos a presentar atópase Blindaxe Sport de Simón Cabarcos.
12:30
Obradoiro Aprende a crear desde cero unha web para o teu negocio.
Imparte Álvaro Fontela (@RaiolaNetworks), empresa líder de
aloxamento WordPress.
14:00
Descanso
16:30
O bo, se breve. Relatorios de 30 minutos (e 10 para o
público).
Os
nativos dixitais non existen. Javier Pedreira (@wicho), autor do
blog Microsiervos e especialista en cultura dixital.
Novos
medios. Bárbara Yuste (@byuste), xornalista e profesora na
Universidade Carlos II e Camilo José Cela de Madrid. Directora de
Comunicación da Asociación Española de Economía Dixital e
directora de Bez.es.
18:00
Pausa para o café
18:30
O bo, se breve. Microrelatorios de 15 minutos.
Prensa
Nativa Dixital
Daniel
Basteiro (@basteiro), xornalista e cofundador do Español
(@elespanolcom)
Éxito
en Youtube
Sebas
Mouret (@sebasgmouret), creador da canle literaria en YouTube
Coleccionista de mundos
20:00
Entrega dos IV Premios #InLugo.