As Google Apps estrean un panel no que se rexistran as incidencias nos seus servizos
xoves, 26 de febreiro do 2009
- No panel quedaron reflectidas as incidencias de Gmail dos pasados dÃas
Ante as
preocupacións polos fallos de funcionamento dos servizos de Google, especialmente
para os usuarios de pago, veñen de estrear o Google Apps Status Dashboard, un
cadro actualizado no que se presentan o estado dos distintos servizos de pago
de Google (Gmail, Google Calendar, Google Talk, Google Docs, Google Sites e
Google Video para empresas) de xeito que nunha simple ollada podemos comprobar
se hai algunha incidencia aberta, o que incrementa
a transparencia do servizo.
Esta nova páxina convértese no lugar ideal para comprobar se algún dos servizos
de Google que utilizamos habitualmente está a experimentar problemas, o que
agradecerán especialmente os responsables de sistemas informáticos, que poderán
saber rapidamente se un problema técnico detectado está dentro do seu ámbito de
competencia ou a pelota está no tellado de Google.
