As bibliotecas municipais de A Coruña presentan páxina web

A Rede de Bibliotecas Municipais de A Coruña, co gallo do Día das Bibliotecas, presentaron a súa nova web, que pretende completar un proxecto para achegar ós cidadáns o acceso á información, a lectura e as actividades que organizan as seis bibliotecas abertas na cidade herculina.
Con esta porta virtual pretenden mellorar a atención dos servizos bibliotecarios que superaron o millón de visitas en 2005, polo que a necesidade dun acceso a través da Internet parecía evidente, de xeito que agora a Rede conta cunha ferramenta para consultar o catálogo de fondos, revisar e renovar os préstamos e incluso asociarse ás bibliotecas.