As mulleres de Ponteareas xa poden inscribirse no curso de TIC e empregabilidade
martes, 9 de abril do 2019
A
veciñanza de Ponteareas, especialmente a poboación feminina, vai
ter en Ponteareas, a partir desta semana, unha relevante oportunidade
para ampliar coñecementos informáticos e mellorar a
empregabilidade. Estamos
a falar do curso de alfabetización dixital, novas Tecnoloxías da
Información e a Comunicación (TIC) e busca de emprego para mulleres
de 16 anos de idade que organiza a concellería de Benestar Social e
Igualdade que dirixe Verónica Carrera.
A
actividade formativa ten o prazo de inscrición aberto até o 23 de
abril. As persoas interesadas en participar deberán apuntarse no
Centro de Información á Muller (CIM) emprazado na rúa Oriente e
aberto de 9.00 a 15.00 horas de luns a venres, ou no número de
teléfono 981 57 64 69.
O
curso impartirase no CIM de Ponteareas o venres 26 de abril e 3 de
maio de 10 a 13 horas e a segunda quenda o sábado 27 de abril e 4 de
maio de 10 a 13 horas. Esta formación está incluída no Plan de
Igualdade que a concellería de Benestar Social deseñou con accións
específicas para a muller e a concienciación.
Verónica
Carrera explica que no plan de igualdade contémplanse varias liñas
de actuación. Entre estas actuacións figuran o “fomento da
equidade de xénero”, o “empoderamento persoal e colectivo” e
un programa de actividades de educación afectivo-sexual entre o
alumnado da ESO.
Ao
longo do ano desenvolveranse actuacións como a de creación de
pequenas empresas no rural para rematar coa discriminación no ámbito
sociolaboral ou aquelas destinadas a fomentar a equidade de xénero
entre a poboación adolescente, entre outras accións.