As universidades galegas presentan o programa da sétima edición da Techbusiness Week

Os reitores das tres universidades galegas veñen de presentar o programa de actividades da sétima edición da Semana Internacional de Tecnoloxía e Negocios (TechBusiness Week) que se vai celebrar en Santiago, A Coruña e Vigo entre os días 5 e 8 de novembro. Estas xornadas de carácter anual están promovidas pola Fundación Sabiria e organizadas polo Foro e-Gallaecia para o desenvolvemento da Sociedade da Información en Galicia. Ó longo das pasadas edicións, os contidos deste encontro internacional captaron dun xeito evolutivo o interese e a asistencia de tecnólogos, tanto directivos como técnicos, convertendo este foro tecnolóxico nun punto de encontro para a actualización anual de coñecementos neste eido.
Nesta edición, o programa da TechBusiness Week inclúe catro bloques temáticos que se tratarán en distintos escenarios:
· Seguridade, bases de datos e programación, que terá lugar en Santiago de Compostela.
· Software libre, na Universidade da Coruña.
· Mobilidade e telecom, tratarase na Universidade de Vigo.
· Management e sociedade da información, novamente na USC.