Aumenta considerablemente o número de farmacias galegas que dispensan receita electrónica
martes, 9 de xuño do 2009
A conselleira de Sanidade, Pilar Farjas
Abadía, puido coñeceu hoxe de primeira man o funcionamento da receita
electrónica galega, que botou a andar xa en varias oficinas de farmacia da área
sanitaria de Santiago e que o pasado venres, en concreto, foi incorporada en un
total de 67 farmacias da capital galega, polo que o número total das mesmas en
toda a Comunidade ascende xa a 246.
Nesta liña, Pilar Farjas anunciou que “está previsto que antes do 30 de xuño se
sumen ao proxecto arredor de cen oficinas de farmacia que darían cobertura de
receita electrónica a varias zonas das áreas sanitarias de Pontevedra, a
Coruña, Ourense e Ferrol”. En concreto, estas cen oficinas poríanse en
marcha na provincia de Pontevedra nas áreas de Deza, Arousa e O Morrazo;
Oleiros, Culleredo e Carral, da área coruñesa; Xinzo na provincia de Ourense; e
no concello de Neda na área ferrolá.
Asemade, despois do verán incorporaranse
a empregar a receita electrónica as zonas da área sur da provincia de
Pontevedra, Vigo, Porriño e Mos así como a cidade da Coruña, que se iniciará á
súa implantación.
Estas incorporacións permitirán o aumento
progresivo das dispensacións electrónicas realizadas en toda a Comunidade Autónoma,
incrementando a cifra que, dende a súa posta en marcha, suma xa un total de
659.657 receitas prescritas electronicamente.
Vantaxes para
pacientes e profesionais
A implantación da receita electrónica na
nosa comunidade achega unha serie de vantaxes que facilitan tanto o traballo
dos médicos e farmacéuticos como a adquisición de medicamentos por parte dos
doentes.
Así, dunha banda, os pacientes poden,
entre outras cousas, recoller directamente os seus medicamentos, presentando
unicamente a súa tarxeta sanitaria en calquera oficina de farmacia de Galicia e
os farmaceuticos evitan posibles erros que se puidesen dar no proceso de
lectura e interpretación da letra do médico.
En definitiva, o sistema supón unha maior
seguridade na prescrición, dispensación e uso dos medicamentos, e a receita
electrónica facilita unha xestión máis eficiente dos recursos
farmacoterapéuticos e asistenciais.