BlackBerry publica unha carta aberta para recuperar a confianza no seu futuro
martes, 15 de outubro do 2013
Nos
últimos meses son moitas as novas que están a pór en dúbida o futuro de
BlackBerry, en vista da mala aceptación comercial de BlackBerry 10 e os seus
terminais, asà como polas perdas económicas rexistradas pola compañÃa
canadense, o que levou a consultoras como Gartner a recomendar
aos seus clientes corporativos a estudar e implementar alternativas a
BlackBerry antes de 6 meses, destacando que os usuarios actuais deberÃan xa
facer copias de seguridade dos seus plans de xestión de datos móbiles.
En resposta a esta visión negativa sobre o futuro da empresa, BlackBerry publicou unha carta aberta aos
seus clientes, socios e seareiros na que aseguran que están a tomar medidas
para reducir os seus gastos e garantir a viabilidade da empresa para que os
usuarios poidan estar certos de que continuarán a poder empregar os seus
servizos no futuro; aseguran que a plataforma BlackBerry 10 e os seus móbiles
son unha excelente ferramenta de produtividade; destacan que seguen a contar
cunha alta seguridade corporativa; inciden no feito de que están a mellorar as
súas solucións de xestións de flotas de dispositivos para o que tamén comezarán
a soportar a móbiles e tablets con iOS e Android; e chegan a asegurar que
BlackBerry Messenger (BBM) é a mellor rede social móbil, que está a abrirse
tamén a iOS e Android (aÃnda que parecen obviar a súa desastrosa
estrea nestas novas plataformas que, tras os incidentes iniciais aÃnda non
está operativa hoxe, subliñando só que hai preto de 6 millóns de usuarios
agardando para probar esas ferramentas).
Resulta un tanto rechamante que realicen tal comunicado sen dar realmente ningunha
novidade, de xeito que nin melloran a confianza en BlackBerry 10 nin deixan
entrever como vai facer a compañÃa para recuperar a senda dos beneficios.