Brión organiza un curso para buscar traballo por Internet
venres, 3 de abril do 2009
O Concello de Brión vén de convocar, para o mes de maio, un curso gratuito
para aprender a buscar emprego por Internet, que vai dirixido a tódolos veciños
e veciñas da localidade.
A actividade terá lugar ao longo de 8 horas a partires do vindeiro 27 de
maio e, entre outros temas, inclúe unha relación das distintas páxinas web
existentes na Rede nas que se ofrecen algunhas ofertas de traballo para os interesados,
e unha lección sobre buscas selectivas na Rede.
Por outra banda, e coincidindo coa apertura do periodo de presentación da
declaración tributaria, o mesmo Concello organiza outro curso para aprender a
facer a declaración da renda por Internet. Un curso de dúas horas de duración
que terá lugar o vindeiro 20 de maio, de 20:00 a 22:00 horas, no Centro Social
Polivalente de Brión.
O prazo de inscrición nestes dous cursos (ambos os dous de balde) estará
aberto ata o 30 de abril. Para anotarse só é preciso acudir á Casa da Cultura,
chamar ao 981 509 908 ou realizar unha inscrición directa a través de www.briondixital.org.