Comezou en eBay a poxa por uns urinarios con forma de beizos de muller

Levaban tres anos cumprindo magnificamente a súa importante función no bar-toilette Viena, preto da Ópera Nacional, até que un bo día, coma nos contos dos irmáns Grimm, estes catro urinarios con forma de beizos de muller (con dentes e todo), tiveron que ser retirados debido ás protestas dun grupo de feministas que os cualificaron de sexistas e misóxinos.
O pasado xoves, estes orixinais deseños do artista vienés Rudolf Scheffel deixaron de ser funcionais urinarios con beizos de distintas cores e dentes brancos brilantes para converterse en auténticas obras de arte e seren subhastadas en eBay.
O afortunado que se faga con eles non terá que preocuparse de limpalos, pois o artista pensa pulilos, limparlle os dentes e darlles un novo verniz antes de entregalos. Mais, iso si, o poxador que os adquira terá que procurarlles un bo sitio na casa, lonxe de mulleres feministas e decoradores sofisticados.