Compostela renovará a súa rede de servidores
luns, 31 de decembro do 2018
O
Goberno
local de Santiago acordou a semana pasada iniciar o proceso de
adxudicación para a ampliación da infraestrutura de servidores do
Concello compostelán. Esta iniciativa, que é un piar
tecnolóxico fundamental e básico para o pleno afianzamento da
Administración Electrónica, conta cun orzamento de 190.000 euros,
dos que 152.000 procederán de fondos europeos vinculados ao programa
ReVive-EDUSI Santiago.
Os
datos foron subministrados polo alcalde, Martiño Noriega, que puxo o
foco na necesidade de renovar o equipamento informático e de
telecomunicacións para facer posíbel, integramente, a implantación
da eAdministración.
Tamén
fixo saber que a maior parte da infraestrutura de servidores
municipal “atópase no seu ciclo de vida útil, pero require
actualizacións de hardware e software de para “garantir a súa
total compatibilidade coa solución de eAdministración que se está
a implementar”. O contrato terá un orzamento máximo de licitación
de 190.000 euros e unha duración prevista de tres meses.