Conan terá novos xogos en 2007
venres, 20 de xullo do 2007
- Imaxe do xogo de Conan para PS3
Os seguidores do bárbaro máis popular da literatura
de Robert E. Howard poderán gozar no mes de outubro do xogo Conan The Barbarian (Conan o Bárbaro) que sairá para PS3, Xbox
360 e Nintendo Wii, amosando unha acción brutal e fantástica á que se puideron
achegar algúns afortunados
na pasada edición do E3, onde amosaron unha demo para un xogador.
Este novo xogo de Conan para as consolas de última xeración parece moi
influenciado pola franquicia de God of
War, polo que os combates violentos con varios inimigos e a estética lúgubre
acompañarán a este impresionante xogo no que non faltan distintos tipos de
armas e combos de golpes para calmar a sede de sangue dos xogadores máis
violentos.
|
Pero as aventuras do Cimerio non quedarán só nas consolas, senón que os
usuarios de PC poderán ter un produto se cabe máis agardado (o seu primeiro
trailer apareceu hai máis de 2 anos), o Age
of Conan: Hyborian Adventures, que non se limita a ser un agresivo xogo de
espadas, senón que se converte nun xogo
masivo multixogador ambientado no universo de Conan, de xeito que se
combinan os combates violentos coas interaccións e a formación de gremios que
permita o xogo colaborativo, asà como actividades non violentas, aÃnda que tamén
coidarán a evolución do xogo de xeito que vaian aparecendo novos retos que precisen
da agrupación de xogadores para superalos.
Este novo xogo en liña aparecerá antes de rematar o ano, permitirá que por unha
ocasión os usuarios de PC poidan ter un
sistema de xogo do que sentirán envexa os posuidores das últimas consolas de videoxogos.