Confirmada a representación galega entre os primeiros candidatos da Confederación Pirata
mércores, 19 de febreiro do 2014
- O candidato pola nosa terra, Fabián Plaza
A
Confederación Pirata
vén de facer públicos os resultados da primeira fase das súas
primarias abertas. Entre outras cousas, neste proceso elixíronse os
seus tres primeiros candidatos, deixando a materialización do resto
da listaxe para a segunda fase que comezará o 10 de marzo. A
votación estivo aberta para calquera e a través dela elixiuse
ao candidato por Catalunya, Darío Castañé (administrador de sistemas,
coordinador en proxectos do movemento pirata e divulgador sobre os
procesos electorais e a cultura libre), á candidada por Madrid, Lorena Müller (activista e fotógrafa profesional) e ao representante por Galicia Fabián Plaza
(escritor e avogado con ampla traxectoria en Dereito Internacional e
Internet).
Os
candidatos, informa a Confederación Pirata, elixíronse usando o
sistema de votación Agora
Voting,
polo mecanismo de voto
único transferíbel.
Este foi secreto, cifrado, publicamente auditábel e verificábel. O
segredo de voto foi asegurado mesmo para os administradores dos
sistemas informáticos, cun sistema cifrado baseado no censo
compartido por varios partidos que forman a Confederación, que foron
á súa vez os encargados do reconto. “O reconto foi exhaustivo”,
engade a plataforma política, “tanto manual como automático,
verificando a integridade de cada unha das achegas”. Por certo que
os vindeiros días abrirase a segunda fase de votación, onde sairán
elixidos os restantes voceiros da candidatura da Confederación
Pirata. Para este proceso, convócase de novo aos cidadáns en xeral,
aínda que non estean afiliados aos partidos piratas.