DC fará máis interactivos os seus comics dixitais
mércores, 5 de xuño do 2013
- O primeiro cómic en integrar DC2 será o primeiro número de Batman ’66
O mundo do comic leva meses apostando con moita forza polo
soporte dixital, grazas en boa medida pola emerxencia dos tablets, pero
mantendo o formato adoptado historicamente no papel, o que DC Entertainment
quere comezar a rachar introducindo
innovacións que engadan certo nivel de interactividade no que serán os formatos
DC2 e DC2 Multiverse.
Con DC2 intégranse capas dinámicas nos paneis dos comics dixitais,
engadindo unha nova dimensión á narración dixital, mentres que DC2
Multiverse permitirá que o lector elixa o camiño polo que transcorrerá a
historia na liña dos populares libros de Elige tu propia
aventura (de Timun Mas).
O primeiro cómic que fará uso de DC2 será o número 1 de Batman ’66, unha colección inspirada na
serie de televisión de Batman que botaban pola TVG (protagonizada por Adam West),
e que aproveitará as capas dinámicas para levar á banda deseñada boa parte da
esencia retro da serie de televisión,
animando as súas secuencias dun xeito curioso.
- Exemplo das técnicas de animación que empregarán en DC2
Para ver en acción o formato DC2 Multiverse teremos que recorrer a Batman: Arkham Origins, cómic inspirado
no videoxogo homónimo que veremos este mesmo ano, e que tamén incluirá imaxes
dinámicas, sons e banda sonora, permitindo que o lector decida o curso de cada
arco argumental e personaxe.
Estas novas propostas completan á polÃtica de publicar os comics en dixital o
mesmo dÃa que o seu lanzamento en papel, que inicialmente realizábase só a
través de ComiXology, pero que pouco a pouco van ampliando a súa distribución a
través das tendas dixitais de Apple, Amazon e B&N.