Domeduino e LifeSeeker centrarán un meetup Maker en Vigo
xoves, 7 de xaneiro do 2016
O fenómeno Maker conserva o seu pulo en Galicia, e quere
iniciar 2016 con forza, polo que o vindeiro mércores na Escola
Municipal de Artes e Oficios de Vigo ás 19:30 horas vai celebrarse a primeira
meetup do ano, para o que xa está
aberta a súa inscrición
de balde. Nesta xuntanza de 1 hora de duración participarán Pablo Rodiz, director de
Enxine, e Isaac
Ballesteros, director tecnolóxico de Centrum Research & Technology.
Rodiz, quen traballou como deseñador de produtos embebidos para compañÃas
galegas como o CTAG ou Bluesesn, presentará o seu último traballo no mundo de
Arduino: un medidor de potencia eléctrica monofásico de até 6 quilowatts, que
permite controlar a conexión e desconexión da liña, e que se alimenta
directamente da mesma, sen necesidade de ningún elemento adicional. Esta placa
leva por nome preliminar Domeduino, e vai xa pola súa terceira versión de
hardware, estando a piques para o seu lanzamento como hardware de código
aberto.
Pola súa banda, Ballesteros presentará o produto LifeSeeker,
que facilita a localización de teléfonos móbiles en zonas remotas e sen
cobertura en misións de rescate, reducindo asà o tempo de procura e maximizando
a posibilidade de éxito da misión. Durante o seu relatorio dará detalles sobre
o proxecto, os problemas técnicos resoltos e incluso explicará a orientación
baseada en modelos e validación continua que permitiron obter os resultados
desexados.