El Corte Inglés integra na súa aplicación móbil o pago do estacionamento sen pasar polo caixeiro
mércores, 10 de febreiro do 2021
El
Corte Inglés vai ampliar as posibilidades da súa aplicación móbil
cunha funcionalidade para facer o pago do estacionamento sen termos
que pasar antes polo caixeiro. O novo servizo permitirá recoñecer
matrículas, abrir a barreira de forma automática ao entrar e ao
saír, e, unha vez rematada a nosa estadía no centro comercial,
cobrar o parking de forma automática sen necesidade de
pasarmos polo caixeiro. A
partir do 15 de febreiro a iniciativa estará habilitada nas sedes de
El Corte Inglés en A Coruña e Vigo.
“Este
novo servizo da app”, explican fontes da empresa, “redundará
na comodidade do usuario e a optimización do seu tempo, xa que se
estima que se empregan algo menos de 5 minutos durante todo o proceso
de pago no caixeiro dun estacionamento”.
Tamén
engade que poderemos engadir á aplicación as matrículas dos
vehículos que utilicemos, o que nos permitirá aproveitar estas
vantaxes cando acudamos ao centro con outro coche. O pago realizarase
a través do cartón de El Corte Inglés e proximamente
incorporaranse outras tarxetas bancarias.
Amais,
a ferramenta irá engadindo progresivamente novas funcionalidades.
Entre elas, recibir unha notificación co inicio do tempo de
aparcadoiro, consultar o tempo transcorrido e un resumo cos datos
clave (tempo, custo e se se aplicaron bonificacións durante a nosa
estadía no centro comercial). As novas actualizacións facilitarán
ademais a localización dos vehículos, xa que permitirán incorporar
unha foto para lembrar a praza na que estacionamos.