El Ministerio del Tiempo estrea episodio en realidade virtual
martes, 5 de abril do 2016
A
serie de televisión El Ministerio del
Tiempo estreou onte “o
primeiro episodio de realidade virtual interactivo dunha serie de televisión no
mundo” permitindo que os seus seareiros puidesen sentirse protagonistas da
serie mediante unha experiencia inmersiva na que durante uns 10 minutos poden
gozar unha especie de videoxogo baseando en vídeo en 360 graos que pode vivirse
valéndose da aplicación
para Android ou para iPhone
desta iniciativa.
Aínda que os contidos poden verse en 2D, se queremos unha experiencia realmente
inmersiva debemos introducir o smartphone nun cartón de Google ou outro
accesorio que permite gozar de xeito estereoscópico os contidos do móbil (como
as Samsung Gear) e deste xeito podemos explorar os escenarios nos que
transcorre a acción movendo a nosa cabeza en calquera dirección, conseguindo
introducir ao espectador na historia, aínda que dun xeito moi rudimentario e
moi pouco natural.
Para poder gravar os contidos para o seu goce virtual empregáronse unha
gravación estereoscópica en 8K, integrando tamén escenarios xerados por ordenador
(para, por exemplo, recrear teitos ou bóvedas que non se poden ver nunca na
ficción televisiva).
Estamos ante unha peza máis da estratexia transmedia
desta produción, que tamén conta co podcast Tiempo de Valientes, o programa
web La Puerta del Tiempo, unha
canle en Telegram, un grupo de bolseiros en WhatsApp e unha intranet
do Ministerio con contidos exclusivos.
Fragmento inicial do primeiro episodio en realidade virtual de El Ministerio del Tiempo