Elogia presentará o seu novo servizo de marketing móbil en Barcelona
martes, 24 de abril do 2012
A empresa Elogia, con sede en Vigo,
vai presentar en Barcelona o seu novo servizo dirixido a facerlles a vida máis
doada aos equipos de traballo especializados nas novas estratexias tecnolóxicas
de promoción e publicidade. Falamos de eMMa,
plataforma que integra, baixo un mesmo acubillo, labores ligadas á mobilidade e
ao marketing dunha empresa, dous termos, en virtude do espallamento xeneralizado
de trebellos intelixentes, cada vez máis interrelacionados. Segundo apunta
Elogia, que dará a coñecer o produto o vindeiro 8 de maio, a partir das 10.00
horas, no Hotel Silken Ramblas, as principais caracterÃsticas de eMMa son a súa
sinxeleza, a súa capacidade para dialogar e, tamén, a súa intelixencia.
A plataforma, que recolle as siglas Elogia
Mobile Marketing Analytics, foi presentada en Madrid hai uns dÃas por
Antonio Sánchez, director do departamento de publicidade ligado ás novas
posibilidades que ofrecen os devanditos trebellos. Sánchez repetirá en
Barcelona, acompañado de Pilar Gallo (xefa de contas de Google, quen desvelará
a actual situación do marketing móbil),
Roberta Zurfo (marketing manager de
Groupalia) e David Baratech (CEO de Ulabox).
Segundo fixo saber Antonio Sánchez na devandita cita de Madrid, trátase dun
recurso especÃfico que lle vai permitir a calquera firma crear o seu propio
evento e dar forma ao seu propio tracking, deseñándoo á súa medida en
función das súas necesidades. Isto significa, dixo, que teremos control total
sobre as nosas aplicacións en teléfonos intelixentes, dándonos marxe para
xestionar campañas, afianzar ligazóns cos clientes e usuarios móbiles ao tempo
que os coñecemos mellor e temos un contacto directo.