En maio poderiamos ter aplicacións móbiles para o rastrexo da COVID-19
xoves, 16 de abril do 2020
Google a Apple están a colaborar no desenvolvemento dunha
API que facilite a creación de aplicacións móbiles para a coita contra a
COVID-19, permitindo un mellor seguimento das persoas infectadas e os seus
contactos, para o que, en vez de analizar a posición GPS dos dispositivos,
empregarÃan a tecnoloxÃa Bluetooth para saber que persoas estiveron na
proximidade de outras, para que ao detectarse unha infección poida advertirse aos
que estivesen en contacto co infectado da posibilidade de ter contraÃdo o
coronavirus, facilitando asà a construción dunha cadea de infección que axude
especialmente a identificar a infectados asintomáticos.
Esta solución tecnolóxica desenvolveuse cos EE.UU. en mente, pero con vocación
global, e dende Reuters aseguran que está
a ser benvida polos membros da Unión Europea, mentres que nas páxinas de El
PaÃs apuntan a outro desenvolvemento na mesma dirección nunha entrevista
a enxeñeira galega que lidera a aplicación móbil europea que rastrexará os
contaxios da COVID-19.
- Carmela Troncoso, enxeñeira de telecomunicacións que traballa na iniciativa DP3T
Carmela Troncoso, enxeñeira de telecomunicacións pola Universidade de Vigo,
está a liderar un equipo de máis de 20 persoas de 8 institucións europeas para
crear unha aplicación que poida estar dispoñible en maio e que facilite aos
cidadáns saber se estiveron preto de alguén que deu positivo en coronavirus á
vez que mantén a súa privacidade. Falamos dunha iniciativa chamada DP3T
(rastrexo distribuÃdo de contactos preservando a privacidade), que está a
evolucionar a grande velocidade, e que basearase nunha aplicación móbil
empregada de xeito voluntario e respectuosa co Regulamento Xeral de Protección
de Datos (GDPR). A aplicación instalada nos smartphones dos usuarios
xerará unha clave privada que mantense
no terminal e que serve para ir rexistrando os contactos do usuario con outras
persoas que teñan a aplicación instalada e coas que non manteñan o
distanciamento social, de xeito que se unha destas persoas dá positivo por coronavirus
a súa clave privada pase a un servidor para que as persoas que estivesen en
contacto con ela reciban unha notificación no móbil que as inste a illarse
voluntariamente e facerse a proba do coronavirus. Deste xeito serÃa posible cortar
a cadea de infeccións cando os usuarios aÃnda son asintomáticos.
Polo momento descoñécese se en Europa adoptaremos solucións baseadas na
colaboración entre Google e Apple, ou optaremos por desenvolvementos totalmente
europeos como o DP-3T, pero semella que en calquera caso apostarase por
solucións descentralizadas que poñan por diante a privacidade dos usuarios e os
seus dereitos fundamentais, para evitar as reticencias da cidadanÃa ao seu control
telemático desproporcionado.