Euskaltel Móvil estrea tarifas para o iPad

O operador móbil virtual Euskaltel Móvil vén de anunciar as súas tarifas de navegación para o iPad en 3 modalidades con distintos límites de transferencia a máxima velocidade que, tras superarse, reducirían a súa velocidade a 128 Kbps.
O plan Konekta iPAD 100 Mb tería unha limitación de 100 Mbytes/mes por 9 euros (prezo que baixaría a 6 euros de terse contratada banda larga fixa coa mesma compañía); por 29 euros o límite de transferencia sería de 1 Gb e por 49 euros chegaría aos 10 Gb (prezos que baixarían a 19 e 39 euros respectivamente de estar subscrito á banda larga fixa de Euskaltel) de xeito que estariamos ante a compañía que ofrece o meirande volume de transferencia se reducir a velocidade dende conexións 3G.
A estas tarifas unirase tamén a Konekta Diaria, que por 1 euro/día ofrece 15 Mbytes de transferencia, e que sería ideal para os que só queren pagar polos días nos que fan uso da conexión móbil á Rede.