FIFA 13 estrea versión para iPhone e iPad
martes, 25 de setembro do 2012
Os
seareiros dos xogos de fútbol terán esta semana nas tendas o seu agardado FIFA 13 para consolas de videoxogos,
pero a súa versión móbil adiántase un par de dÃas, e xa está dispoñible
na App Store por 5,49 euros (como aplicación universal), permitindo que
usuarios de iPhone, iPod Touch e iPad poidan darlle xa ao balón cuns gráficos
bastante realistas para o xogo móbil, un control preciso, a posibilidade de
competir en liña contra outros xogadores, participar en competicións reais e
gozar das vantaxes dun xogo coas debidas licenzas que permite que goce de 30
ligas, 500 equipos, 32 estadios e máis de 15.000 xogadores reais.
- O xogo conta coa posibilidade de gravar as mellores xogadas e compartilas co mundo a través de YouTube
Os usuarios que conten con varios dispositivos móbiles de Apple poderán
sincronizar as súas partidas a través de iCloud e incluso conta cun modo GamePad que facilita o uso dun
iPhone ou iPod Touch como mando para o xogo no iPad. No FIFA 13 para iOS tamén é posible gravar as nosas xogadas para poder
ver a súa repetición, permitindo incluso subir eses vÃdeo a YouTube para
compartilos co mundo.
Adicionalmente podemos destacar un novo
sistema de caneos inspirado en Lionel Messi, cun preciso control para
enfrontarse aos opoñentes, levando certa creatividade aos encontros deportivos,
e coa posibilidade de facer impresionantes filigranas.
- FIFA 13 chega a iOS cuns gráficos destacables para un xogo móbil