FSC Inserta leva á Coruña as súas accións formativas en ofimática
martes, 2 de abril do 2013
FSC
Inserta, recentemente na
nosa web con motivo das súas actividades formativas en Ferrol
arredor das ferramentas de Microsoft, anuncia esta semana novas
xeiras formativas sobre ofimática para persoas con diversidades
funcionais e intelectuais. Desta volta, celébranse na Coruña, onde
quince persoas terán a oportunidade de formarse, até o 21 de xuño
en aspectos como sistemas operativos, buscadores de información,
aplicacións informáticas e tratamento de textos, follas de cálculo,
bases de datos relacionais e gráficas de información.
A
acción formativa de FSC Inserta, entidade integrada na Fundación
ONCE, está a celebrarse no número 6 da rúa Rafael Alberti e
abrangue 190 horas lectivas. Con esta iniciativa, o obxectivo é
fornecer ao alumnado das destrezas profesionais requiridas para
permitir un meirande rendemento competitivo no mercado de traballo e
o desenvolvemento de aptitudes e habilidades persoais para acadar a
plena participación social e laboral. Tódolos cursos de FSC Inserta
enmárcanse dentro do Programa Por Talento, que está a impulsar a
Fundación ONCE co co-financiamento do Fondo Social Europeo.